القاضي قردوحي: هناك قضاة شركاء بتجويع الشعب وإفقاره

رأى القاضي شادي قردوحي أنّ هناك قضاة “شركاء بعملية إبادة الشعب اللبناني وتجويعه وإفقاره”.
وقال قردوحي في تغريدته الجديدة اليوم عبر حسابه على “تويتر”:
“تعميم الحاكم “العجيب” يلي ما كنا فاهمين بالأساس شو هو. أكيد غير ان رياض سلامة عنده حقد دفين على الشعب أو شخص عم يمارس ساديته لذل الشعب .
ولأن صار على كل مواطن لبناني يعرف قانون واقتصاد ومال وزراعة وصناعة و….
فهدف التعميم طلع استنزاف ما تبقى من دولار فرش بمصرف لبنان وتأمين سيولة من الدولار الفرش للمصارف بطريق سهلة جداً وشبه قانونية.
بمعنى رياض سلامة بخلي موظفي القطاع العام يلي بالغالب من الطبقة الفقيرة وتحديداً العسكر يقبضوا الراتب على سعر المنصة وطبيعي لح يبيعوه بالخارج عند الصرافين..
الصرافين هني سماسرة للمصارف وهيك بيضهر ملايين الدولارات فرش من مصرف لبنان الى المصارف والمصارف بترجع بتلعب فيها وهكذا.قلتها ولح كررها .فيه هدفان أساسيان؛ بيع أصول الدولة والتوطين.لا فكرة مؤامرة ولا شي الفكرة هي من بجمع دولار أكثر ومليارات.
للقضاء الغائب (الحاضر بس بملاحقة القضاة الأحرار) أكررها أنتم شركاء بعملية ابادة الشعب اللبناني وتجويعه وافقاره. القاضي شادي قردوحي.”
“محكمة” – الإثنين في 2022/5/30